الطائر الشاعر

موضوع: الطائر الشاعر الأحد 28 نوفمبر 2010, 5:15 pm

الطائر الشاعر

هذا الكنار شاعر عظيم أول من ابتدع الغنا
صور جمال كل الوجود إنشودة عذبة ملحنا
***
غنينا أبدع يا بديع ألحان جميلة مؤثرة
ما نحن زيك يا كنار نهوى الليالي المقمرة
وحتى الرياض مهما تكون نديانة زاهية ومزهرة
من غير وجودك يا كنار بنشوفا زي المقبرة
***
غنينا فجِّر في العروق قصة غرامنا المحزنة
بحكيها ليك بس يا كنار خايف تشيلا الألسنة
***
جزيرة في بحر الحنان فيها الأزاهر كالنجوم
نشوانة زي وجه وجه الربيع بسامة ما بتعرف وجوم
محجوبة من شر الشموس غرقانة دايماً في الغيوم
رويانة بي دمع السحاب بتلطف الريح السموم
***
قصتنا كانت يا كنار قصة فراشة وسوسنا
كانت مدارس حب عفيف من غير معلم بيننا
***
قصة محب لي روح حبيب ما للمقاطع والجسد
تبلى المظاهر والجمال والروح طول الأمد
بالله وضح ياكنار قول ليهم الماضي ابتعد
لكن هواكم في الضلوع جوانا عايش ماخمد
***
قول ليهو ليه ما زي زمان ما عدت سائل عننا
ما كفاية كاسات العذاب اسقيني كاسات المنا
***
قول ليهو لا بد الرجوع الغربة مهما طولت
ما الدنيا ذاتها بعد زمن لازم تعود زي ما ابتدت
ما حبوا ثابت في الفؤاد ذكراهو فينا اتخلدت
نهواهو لي روحو الفريد لو حتى روحو اتغيرت

غني يا كنار واشدو كما تشدو الطيور
سلمت كابتن وربنا ما يحرمنا من ابداعاتك

» عن الشاعر "ابن الفارض"
» مكتبة الشاعر المرهف مجدي الزومه