قصة مرض حاااااااااامد

الكلام دا للنأس الما عرفو
القصه لاهسه وفي ناس اطرشون ماسمعوبيها خلونا نحنا نوريهم ليها
سمعنا من جدودنا زمان وحبوبأتنا
انه كان في ولد اسمو حامد .... أول ما كبر شوية قال لأبوهو أنا عايز أعرس .... أبوهو طنشو .... حامد دا بقى همو كلو في العرس ونضم تاني مع أبوهو الا أبوهو صدرلو الطرشا وعمل أضان حامل .... وفجأة حامد رقد ليهم في السرير مرضان .... بطل الأكل والشراب وجسمو بقى هزيل ... قام أبوهو وعمو ودوهو لدكتور القرية .... كان دكتور شااااطر ونجيض خلاص .... كشف عليهو وعمل ليهو كل الفحوصات الا حامد كانت نتيجة فحصو سليمة وما عندو أي مرض .... قال لأبوهو وعمو أمشو إنتو وسيبو لي الزول دا معاي وتعالو سوقوهو المساء .... وفعلا سابوهو ومشو .... قام الدكتور اتكلم مع حامد وعرف قصتو مع ابوهو .... المساء جا أبوهو وعمو للدكتور وسألوهو اها رأيك شنو يا دكتور قال ليهم الزول دا ما عندو أي حاجة عرسو ليهو وبس ببقى تمام .... طوالي قامو عرسو ليهو وحدة من بنات عمو وصاحبنا بقى مية مية ..... بعد فترة أخت حامد برضو مرضت ورقدت ليهم جنازة عديل لا أكل ولا شراب .... ساقوها ودوها لنفس الدكتور .... الدكتور عبا ليهو حقنة مااااااكنة خلاس ومشى عليها عشان يديها الحقنة .... قالت ليهو يا دكتور أنا ما عندي أي حاجة أنا عندي مرض حاااااامد
ومن الزمن داك سمو مرض حامد دا للداير العرس

هاهاهاهاهاهاهاهاهاهاهاهاهاهاها

حمانا الله من مرض حامد